Ահա՛ տեսեք, թե ինչպես են նման նեոբոլշևիկ ապազգային թերթերը ու լրագրողները բառացի ռուսերենից հայերեն ուղիղ թարգմանում Կրեմլի պաշտոնական տելեգրամյան ալիքներից մեկի գրածը...

11:00:00 14.12.2024

Ահա՛ տեսեք, թե ինչպես են նման նեոբոլշևիկ ապազգային թերթերը ու լրագրողները բառացի ռուսերենից հայերեն ուղիղ թարգմանում Կրեմլի պաշտոնական տելեգրամյան ալիքներից մեկի (որն ունի 1.2 միլիոն բաժանորդագիր) գրածը, որտեղ մեր շարժմանը նենգաբար սևացնում ու վարկաբեկում են՝ մեզ պիտակավորելով «նեոնացիստներ», որը պարզապես զավեշտալի է, քանի որ մենք մերժում ենք այդ անհեթեթ անվանումը:

Ռուսաստանին ավելի մտահոգում է մեր շարժման գործողությունը, քան Արցախում տեղի ունեցած էթնիկ զտումը, և Հայաստանում գործող էս նեոբոլշևիկներին ավելի շատ մտահոգում է մեր փոքրաթիվ համաժողովը, որտեղ նույնիսկ չեն էլ լինելու ԶԼՄ-ներ, քան այն սարսափելի փաստը, որ թուրքերը Բաքվում նստած Հայաստանը «Արևմտյան Ադրբեջան» վերածելու ծրագրեր են մշակում ու պլանավորում իրագործել:

Սա մի օրինակ է, բայց նմանատիպ այլ թերթեր վայնասուն են բարձրացրել մեր համաժողովի դեմ: Եթե սա ապացույց չէ, որ մեր երկրում աշխատող ԶԼՄ-ների մեծ մասը ծախված են օտար ուժերին, ապա չգիտեմ ուրիշ ինչը կարելի է ապացույց համարել: