01:40:00 08.12.2024
Եթե նույնիսկ Ամերիկայի կամ որևէ այլ գերտերության նախագահը դառնա ամենահայամետ մարդը, մենք առանց անհողդողդ պայքար մղելով ոչ մի արդյունքի չենք հասնի և կրկին մեր աչքերով կտեսնենք, թե ինչպես է ամբողջ Հայաստանը արժանանում Արցախի ճակատագրին՝ Սյունիքից սկսած: Միակ արժանապատիվ ելքը այս ստորացուցիչ վիճակից պայքարել, զոհաբերելն ու մարտնչելն է, և նրանք ովքեր ուրիշ բան են ձեզ ասում պարզապես տգետ են կամ ազգին մոլորեցնող խաբեբա սրիկաներ են, ովքեր մարդկանց ասում են այն, ինչ նրանք ուզում են լսել և ոչ թե այն, ինչ պետք է լսեն:
Եվ նրանք, ովքեր կարծում են, որ այսպես կոչված «խաղաղության պայմանագիրը» խաղաղություն է բերելու ու Սյունիքն անվտանգ է պահելու՝ պարզապես ինքնախաբեությամբ են զբաղված, քանի որ կարծում եմ իրենց հոգու (եթե իրոք ունեն հոգի) խորքում գիտեն, որ դա սուտ է: Մենք շատ լավ էլ գիտենք, որ Սյունիքի համար շատ թեժ պայքար է լինելու մոտ ապագայում, և միմիայն Նժդեհի վճռական բոցավառ ոգու օրինակին հետևելով մենք կարող ենք Սյունիքը Հայաստանի մաս պահել՝ կանխելով մեր Հայրենիքի անդառնալի մասնատումը՝ փրկելով մեր պետականությունը վերջնական կործանումից:
Եթե ուզում ենք այս անգութ աշխարհում մեր պատմության վերջին էջը թերթելու փոխարեն ոսկե տառերով նոր էջ բացենք, պետք է պատրաստ լինենք մեր անկոտրում կամքը կիառելով մեր թշնամիներին ուժ ցուցաբերենք և սարսափ ներշնչենք նրանց մեջ:
Մեկ Ազգ, Մեկ Պետություն, Մեկ Կամք
Մի'շտ Հայ
Բաժանորդագրվեք և ստացեք նորություններ ձեր Էլեկտորոնային հասցեին։
Մեկնաբանություններ