Մենք ապրում ենք այսպես կոչված ժողովրդավարության վերջին տարիներին,...

07:59:00 16.07.2025

Մենք ապրում ենք այսպես կոչված ժողովրդավարության վերջին տարիներին, քանի որ այս ապազգային ու կեղծ համակարգը, որը հակասում է բնության օրենքներին, չի կարող շարունակել գոյություն ունենալ։ Ժողովրդավարությունը ժողովուրդներին «վար» է տանում։ Այս համակարգի խորտակումը լավ լուր է, քանի որ մենք երբեք չենք կարող բարգավաճ Հայրենիք ունենալ նման քաղաքական ճահիճի մեջ։

Ժողովրդավարությունը միջակության իշխանություն է, ոչ թե ուժի ու արժանապատվության։ Այն թույլին, սրիկային ու դավաճանին վեր է բարձրացնում, իսկ հերոսականը՝ թաղում։ Այդ իսկ պատճառով ժողովրդավարությունը ամենալավ ձևն է ամենավատ մարդկանց իշխանության բերելու համար։ Մենք սա տեսնում ենք ՔՊ-ի ու կեղծ ընդդիմության օրինակում։ Ժողովրդի անունով խոսում են, բայց ժողովրդի փոխարեն որոշումներ են կայացնում ժողովրդի թշնամիները։ Քվեարկությունը ճշմարտության չափանիշ չէ. հազարավոր դատարկ քվեաթերթիկներով չի կառուցվում հզոր պետություն։

Ժողովրդավարությունը անկարող է պաշտպանել ինքն իրեն իր ներքին քայքայումից։ Այդ պատճառով էլ աշխարհով մեկ, հատկապես Հայաստանում, մենք տեսնելու ենք դրա անխուսափելի վախճանը։ Հայ ազգայնականները պետք է այսօրվանից պատրաստվեն մեր ժողովրդին վճռականորեն առաջնորդելու համար։ Հայաստանի վերածնունդը հնարավոր է միայն այն ժամանակ, երբ իշխանությունը կլինի ոչ թե ամբոխի քմահաճույքի, այլ՝ հավատքի, ուժի և նպատակային կարգապահության վրա։

Ժամանակը գալու է, երբ Հայ ազգը աղերսելու է մի ուժեղ ու անկոտրում կամք ունեցող մարդու, որպեսզի նա առաջնորդի իրեն։ Եվ պատմությունը ճիշտ պահին այդ մարդուն բեմ կբերի՝ վերջնականապես ոչնչացնելու ժողովրդավարությունը և նրա հետ եկած բոլոր կեղծ ու պիղծ արժեքները։

#Այս_Անգամ_Աշխարհը